Трампнинг саҳифаси блоклангач, Twitter’нинг акциялари нархи тушиб кетди

Олам 2112
image

Ижтимоий тармоқлар АҚШнинг амалдаги Президенти Дональд Трампнинг аккаунтларини блоклаб қўйганидан сўнг, Twitter акциялари АҚШ савдоларида деярли 4 фоизга тушиб кетди. Бу ҳақда “Fox News” хабар берган. 

Қайд этилишича, Twitter акциялари 3,77 фоизга пасайиб, 49,54 долларни ташкил этмоқда. 

Маълумот учун, Twitter маъмурияти “зўравонликни янада қўзғатиш хавфи туфайли” Трампнинг аккаунтини блоклаб қўйганди. Шундан сўнг, Трампнинг сайловолди штаби аккаунти ҳам блокланди. 

Шунингдек, унинг Facebook, Instagram, Twitch, Snapchat’даги саҳифалари ҳам блокланган. 

Эслатиб ўтамиз, 6 январь куни АҚШнинг амалдаги Президенти Дональд Трампнинг тарафдорлари мамлакат пойтахти Вашингтондаги Капитолий олдида намойиш уюштириб, Конгресс биносига бостириб кирган эди.

Маълумот ўрнида, Сенат ва АҚШ Конгресси Вакиллар Палатаси демократ Жозеф Байденнинг 3 ноябрь куни мамлакатда бўлиб ўтган президентлик сайловларидаги ғалабасини маъқуллаган.

Рушана Султонова
Мақолага баҳо беринг
Баҳолаганлар: 64
Рейтинг: 2.8
Теглар
t
×