Трамп ва Мелания Янги йилни қаерда кутади?

Олам 31 Декабрь 2020 13:11

7154

АҚШнинг амалдаги Президенти Дональд Трамп бугун, 31 декабрь куни Флорида штатидан Вашингтонга қайтиб келади ва Янги йилни Вашингтонда кутади. Бу ҳақда "The Hill"га асосланиб хабар берилган.

Трампнинг жадвалига кўра, у маҳаллий вақт билан соат 11:00 да рафиқаси Мелания билан бирга Флорида штатидан Вашингтонга учиб кетади.

Бу шуни англатадики, Трамп ва унинг рафиқаси ҳар йили юзлаб меҳмонларни жалб қиладиган Палм-Бичда жойлашган Мар-а-Лагодаги Янги йил байрамига ташриф буюрмайди.

Сўнгги уч йил ичида Трамп ушбу зиёфатда қатнашиб, меҳмонларга қисқа нутқ билан мурожаат қилиб келган.

Маълумотларга кўра, Мар-а-Лагодаги бу йилги зиёфатга 500 га яқин одам ташриф буюради.

Эслатиб ўтамиз, Мелания Трамп Рождество байрами учун Оқ уйни "Америка гўзал" шиори остида безатганди.

Рушана Султонова

Мақолага баҳо беринг

Баҳолаганлар: 261

Рейтинг: 3