Tramp o‘zi Rim papasi sifatida tasvirlangan suratni e’lon qildi

north_east

Men papa bo‘lishni xohlayman – Tramp (video)

AQSH Prezidenti Donald Tramp bugun, 3 may kuni Truth Social ijtimoiy tarmog‘ida o‘zi Rim papasi sifatida tasvirlangan suratni joylashtirdi.

Neyron tarmoqlar yordamida yaratilganga o‘xshab ko‘ringan suratda Tramp zarhal stulda oq papalik kassogi – tik yoqali uzun tugmali xalat kiygan holda o‘tirganini ko‘rish mumkin. Prezidentning ko‘kragida oltin xoch, boshida esa katolik mitri - dafna gulchambarining ramzi bor.

Chap qo‘l tizzaga qo‘yilgan, o‘ng qo‘lning ko‘rsatkich barmog‘i yuqoriga ko‘tarilgan. Bundan tashqari, o‘ng halqa barmog‘ida baliqchining uzugini ko‘rish – Rim papasining qudrati ramzi – bu pontifikning baliqchi bo‘lgan havoriy Pyotrning vorisi ekanini eslatib turadi.

Tramp rasmga hech qanday izoh yozmagan. Biroq Rim papasi Fransisk vafotidan keyin Tramp allaqachon pontifik bo‘lishni xohlayotgani haqida hazillashgan.

Rim-katolik cherkoviga 2013 yildan beri rahbarlik qilgan Rim papasi Fransisk 21 aprel kuni koma va yurak yetishmovchiligiga olib kelgan insultdan 89 yoshida vafot etdi. U bilan xayrlashuv avliyo Pyotr soborida bo‘lib o‘tdi. Dafn marosimi 26 aprel kuni avliyo Pyotr maydonida bo‘lib o‘tdi. Konklav, ya’ni yangi papaning yopiq saylovi 7 may kuni Vatikanda boshlanadi, an’anaviy tarzda Sikstin kapellasida o‘tkaziladi.