Трамп урушларни деб ухлолмаётганини айтди

АҚШ Президенти Дональд Трамп Россия-Украина можаросини тугатиш бўйича саъй-ҳаракатлардан ҳафсаласи пир бўлаётгани ва у учун уйқули тунлар камайиб кетганини айтди. Бу ҳақда Оқ уй раҳбари Флорида штатидаги етакчи ҳомийлар билан учрашувда сўз очди.

Маълум қилинишича, Трамп инқирозни ҳал қилиш учун кечалари уйқудан воз кечган. Донорлардан бирининг саволига жавоб берар экан, Трамп Россия Президенти Владимир Путин билан музокаралардаги қийинчиликлар унинг тўлиқ назоратга интилиши билан боғлиқлигини таъкидлаган. Шу билан бирга, АҚШ Президенти Ғазо секторидаги можарони ҳал қилишдаги қийинчиликларга ишора қилиб, бу минтақа минг йиллардан бери уруш ҳолатида эканини таъкидлаган.

Баъзи америкалик амалдорлар Трамп Россия ва Украина ўртасида тўғридан тўғри музокараларни йўлга қўя олсагина ўз миссиясини бажарган деб ҳисоблашини таъкидлаган.

ОАВнинг ёзишича, воқеаларнинг кейинги ривожи Москва ва Киевга боғлиқ бўлади, Қўшма Штатлар эса бошқа устувор вазифаларга эътибор қаратади.

Эслатиб ўтамиз, Украина Президенти Владимир Зеленский 8 май куни АҚШ Президенти Дональд Трамп билан телефон орқали мулоқот қилган эди. Украина раҳбари Трамп билан тинчликка эришиш учун кейинги саъй-ҳаракатлар, жумладан, ташланиши мумкин бўлган аниқ қадамлар зарурлигини муҳокама қилган. Зеленскийнинг фикрича, АҚШ Россияни 30 кунлик сулҳга рози қилиши мумкин.
: