Трамп Туркияга нисбатан санкцияларни олиб ташлашни ваъда қилди

НАТО саммити баҳонасида Туркияга келган АҚШ Президенти Дональд Трамп Анқарада туркиялик мавқедоши Ражаб Тойиб Эрдўған билан учрашувда Туркия Россиянинг С-400 ҳаво мудофаа тизимларини сотиб олганидан кейин Вашингтон томонидан Туркияга қарши жорий этилган санкцияларни бекор қилишини маълум қилди.

“Биз санкцияларни бекор қилмоқчимиз”, дейди Трамп журналистлар қаршисида.

Оқ уй раҳбари АҚШнинг Туркия билан муносабатлари ҳозир ҳар қачонгидан ҳам яхши эканини айтган. Шунингдек, Дональд Трамп Туркия билан боғлиқ ҳеч нарса уни хавотирга солмаслигини билдирган. 

2019 йилда Туркия Россиянинг С-400 зенит-ракета тизимларини сотиб олгани сабабли F-35 дастуридан чиқарилди. Анқара буни адолатсиз ва ноқонуний қадам деб атади. 2020 йил декабрь ойида АҚШ Туркия Мудофаа саноати бошқармаси, унинг раҳбари Исмоил Демир ва республиканинг яна уч фуқаросига қарши санкциялар киритди.

Санкцияларни бекор қилиш Конгрессда қаршиликка учраши мумкин, чунки Конгресс 2020 йилда Россиянинг С-400 самолётлари Туркияга сотилишини тақиқловчи қонунни қабул қилган. 

Эслатиб ўтамиз, 2022 йилнинг июнь ойида Мадридда бўлиб ўтган НАТО саммитида Ражаб Тойиб Эрдўған Швеция ва Финляндиянинг НАТОга аъзо бўлишига розилик билдириш орқали АҚШнинг ўша вақтдаги президенти Жо Байдендан F-16 самолётларини ундириб қайтганди.