Шавкат Мирзиёев рафиқаси билан Анталияга борди

Бугун, 10 ноябрь куни Туркия Республикаси Президенти Ражаб Тойиб Эрдўғаннинг таклифига биноан Ўзбекистон Республикаси Президенти Шавкат Мирзиёев рафиқаси билан бирга амалий ташриф билан Анталия шаҳрига борди. Бу ҳақда Ўзбекистон етакчисининг матбуот хизмати хабар берди.

Қайд этилишича, халқаро аэропортда давлат раҳбарини Туркий давлатлар ташкилоти Оқсоқоллар кенгаши раиси Бинали Йилдирим ва Туркиянинг расмий шахслари кутиб олган.

Эртага, 11 ноябрь куни мамлакат етакчиси БМТнинг Иқлим ўзгариши бўйича конференциясининг ялпи сессиясида иштирок этади.

Бу Президент Шавкат Мирзиёевнинг сўнгги ўн кун ичида Туркияга иккинчи амалий ташрифи. Давлат раҳбари сўнгги бор Туркияга 29-30 октябрь кунлари Анқара мезбонлигида бўлиб ўтган Туркий давлатлар ташкилотининг 13-саммитида иштирок этиш учун борган эди. Ўшанда унга мамлакат биринчи хоними Зироат Мирзиёева ҳамроҳлик қилган.