Трамп Путиннинг урушни тўхтатиш истагидан шубҳаланаётганини айтди

АҚШ Президенти Дональд Трамп Россия раҳбари Владимир Путиннинг Украинадаги урушни тугатиш истагига шубҳа билдирди. Бу ҳақда Оқ уй раҳбари ўзининг Truth Social ижтимоий тармоғида ёзиб қолдирди.

Трампнинг сўзларига кўра, Россиянинг Украинадаги фуқаролик объектларини сўнгги марта ўққа тутиши Путиннинг урушни тўхтатишни истамаслигидан далолат беради. Ушбу пост Трамп Украина раҳбари Владимир Зеленский билан учрашганидан сўнг пайдо бўлди.

“Путин сўнгги бир неча кун ичида тинч аҳоли пунктлари, шаҳарлар ва аҳоли пунктларига ўқ узиши учун ҳеч қандай сабаб йўқ эди. Балки у урушни тўхтатмоқчи эмас”, дея ёзган АҚШ раҳбари.

Шунингдек, Трамп “ўзига келиши учун” Россияга янги санкциялар билан таҳдид қилган.

“Балки Путин мен билан бирга ўйнамоқда, деган фикрни уйғотди ва унга бошқача муносабатда бўлиш керак, “банк чоралари” ёки “иккинчи даражали санкциялар”, дея ёзган Трамп.

Шунингдек, Трамп Оқ уй маъмуриятининг Россия-Украина уруши бўйича тинчлик режасини танқид қилган “The New York Times” журналисти ҳақида ҳам ёзган. Трампнинг сўзларига кўра, Россия ва Украина бўйича қандай келишув тузилмасин, ҳатто у энг яхшиси бўлса ҳам, журналистлар барибир келишувни ҳам, Трампни ҳам танқид қилаверади.

Эслатиб ўтамиз, кеча, 26 апрель куни Украина Президенти Владимир Зеленский ва АҚШ раҳбари Дональд Трамп марҳум Рим папаси Францискнинг дафн маросими олдидан қисқа учрашув ўтказган эди. Зеленскийнинг сўзларига кўра, у Трамп билан қисқа бўлса-да, манфаатли учрашув бўлиб ўтган. Унинг қўшимча қилишича, учрашув кўпроқ рамзий маънога эга бўлган ва агар етарли натижаларга эришилса, у тарихий аҳамиятга эга бўлиши ҳам мумкин.