Tramp Isroilning Eronga qarshi hujumlarga aloqasi yo‘qligini bildirdi

AQSH Prezidenti Donald Tramp Isroilni hozirgi kundagi Eron hududiga qilingan hujumlarga aloqasi yo‘qligini ma’lum qildi. Bu haqda u “Fox News” telekanaliga bergan intervyusida aytdi.

Trampning so‘zlariga ko‘ra, Isroil so‘nggi kunlarda turli manbalar tomonidan xabar qilingan hujumlarni tashkil etish va amalga oshirishda ishtirok etmagan. AQSH Prezidenti Isroil tomoni bu voqealarga aloqador emasligini alohida ta’kidlagan.

Bu bayonot Yaqin Sharqdagi vaziyat keskinlashib borayotgan, tomonlar o‘rtasida ayblovlar almashinuvi davom etayotgan bir paytda aytildi. Trampning bu gaplari Eron hududidagi so‘nggi voqealarda Isroilning ehtimoliy roli haqidagi savollarga aniqlik kiritishga urinish sifatida baholanishi mumkin.

Isroil rasmiylari hozircha AQSH Prezidentining bu bayonotiga izoh bermagan. Shuningdek, Isroilning mazkur hujumlarga aloqadorligini tasdiqlovchi rasmiy ma’lumot ham mavjud emas.

Trampning ushbu bayonoti mintaqadagi yuqori keskinlik saqlanib turgan bir sharoitda diplomatik jarayonlar va muzokaralarga ta’sir ko‘rsatishi mumkin.

Eslatib o‘tamiz, AQSH Qurolli kuchlari kecha, 10 iyun kuni kechqurun Erondagi nishonlarga qarshi hujumlarni qayta boshlagan edi. O‘z navbatida, Eron ham Hormuz bo‘g‘ozini yana qaytadan yopib qo‘ygan.

Eron bilan bir paytda Livanning “Hizbulloh” harakati ham Isroil hududiga hujum boshlagan. Isroilning javob zarbalari va voqealarga qanday munosabat bildirgani bo‘yicha hozircha rasmiy ma’lumotlar yo‘q.