Трамп Фаластин тарафдори бўлган талабаларнинг визасини бекор қилмоқчи
Олам
−
30 Январь
2345АҚШ Президенти Дональд Трамп кеча, 29 январь куни антисемитизмга қарши кураш тўғрисидаги фармонни имзолади ва АҚШ фуқароси бўлмаган талабалар ва Фаластинни қўллаб-қувватловчи намойишларда қатнашган бошқа шахсларни депортация қилишга ваъда берди. Бу ҳақда “Reuters” хабар берди.
Нашрга етиб келган ҳужжатда АҚШ Адлия вазирлиги томонидан “Америка яҳудийларига қарши террористик таҳдидлар, ўт қўйиш, вандализм ва зўравонлик”ни таъқиб қилиш ва “кампуслар ва кўчаларда антисемитизм портлаши” деб аталган нарсага қарши курашиш учун барча федерал ресурсларни ишга тушириш учун “тезкор чоралар” кўришни ваъда қилинади.
“Жиҳодчиларни қўллаб-қувватловчи норозилик намойишларига қўшилган барча мусофирларни огоҳлантирамиз: 2025 йилга келиб, биз сизни топамиз ва депортация қиламиз. Шунингдек, мен ҳар доимгидек радикализм билан тўлиб кетган коллежлар кампусларидаги барча ҲАМАС тарафдорларининг талабалик визаларини ҳам тезда бекор қиламан”, деди Президент 2024 йилги сайловолди ваъдасини такрорлаб.
Ҳуқуқ гуруҳлари ва ҳуқуқшунос олимларнинг айтишича, янги чора конституциявий сўз эркинлиги ҳуқуқларини бузади ва ҳуқуқий муаммоларга олиб келиши мумкин.
“Биринчи тузатиш Қўшма Штатлардаги барчани, шу жумладан Америка университетларида таҳсил олаётган чет эл фуқароларини ҳам ҳимоя қилади. Фуқаролиги бўлмаганларни сиёсий нутқи асосида депортация қилиш конституцияга зид бўлади”, деди Колумбия университетидаги Knight First Emendment институтининг катта адвокати Керри ДеКелл.
АҚШдаги мусулмонларни ҳимоя қилувчи йирик гуруҳ ˗ Америка-Ислом муносабатлари кенгаши эса агар Трамп бу ишни амалга оширишга ҳаракат қилса, бу қарорга суд орқали эътироз билдиришни кўриб чиқишини маълум қилди.
"Буйруққа мувофиқ агентлик ва департамент раҳбарларидан 60 кун ичида Оқ уйга антисемитизмга қарши курашда ишлатилиши мумкин бўлган барча жиноий ва фуқаролик органлари бўйича тавсиялар тақдим этиши шарт", дейилади факт варақасида.
Араб Америка институти, тарафсиз фуқаролик ҳуқуқлари ташкилоти ижрочи директори Мая Берри эса гуруҳ Исроилни танқид қилиш ва антисемитизмни аниқ бир-бирига тенглаштирилаётганидан қаттиқ ташвишда эканини айтди. Беррининг айтишича, бу буйруқ АҚШ бўйлаб сўз эркинлигига салбий таъсир кўрсатади.
LiveБарчаси
Тренддагилар
![Ўзбекистонда 1 мартдан ойлик ва нафақалар ошадими?](https://ad-admin.qalampir.uz/uploads/LF/thumb_AV506IfBgmW3B2hZlNW2THujNmRi9d.jpg)
![1 апрелдан электр ва табиий газ тарифлари ошади](https://ad-admin.qalampir.uz/uploads/R5/thumb_watlnJ8OLVoNjpRyEbpSHTQElY6tLN.jpg)
![Самарқандда 7 нафар энергетика ходими йиғилиш вақтида қамоққа олинди](https://ad-admin.qalampir.uz/uploads/on/thumb_nltVCf5OdeUemulf7mNlpe3HsimLWR.jpg)
![“Ман Сити” ўзбек рассомининг меҳнатини эътиборсиз қолдирмади (видео)](https://ad-admin.qalampir.uz/uploads/ST/thumb_sYQI5L7QgnRSOG3stFqSAMWAfMOgeh.jpg)