Тожикистонда ўзбекистонликлар ЙТҲ қурбони бўлди
3-саҳифа
−
04 Июль 6583
Тожикистонда Nexia ва КамАЗ юк машинаси ўртасида содир бўлган йўл-транспорт ҳодисаси оқибатида енгил машина ҳайдовчиси ва икки йўловчи вафот этди. Бу ҳақда мамлакат Фавқулодда вазиятлар қўмитаси хабар берди.
Қайд этилишича, воқеа жорий йилнинг 2 июль куни маҳаллий вақт билан соат 13:00 да Душанбе-Варзоб-Хўжанд автомобиль йўлининг 50-километрида содир бўлган. Хўжанд шаҳридан Душанбе шаҳри томон ҳаракатланаётган Nexia русумли автомобиль КамАЗ юк машинаси билан тўқнашиб кетган.
Ҳодиса оқибатида енгил автомашинанинг ҳайдовчиси ва икки нафар йўловчиси (икки эркак ва бир аёл) воқеа жойида ҳалок бўлган.
“Автомашина ҳайдовчиси 1964 йилда туғилган бўлиб, яшаш жойи Ўзбекистон Республикаси, Фарғона вилоятида бўлган Б.Н. эканлиги аниқланган. Бошқа қурбонларнинг шахси аниқланмоқда. Шу куни қўмита томонидан Ўзбекистон Республикаси Фавқулодда вазиятлар вазирлигига маълумот юборилди”, дейилади хабар сўнгида.
Live
Барчаси
