Тошкентда журналистни сўккан шахсга маъмурий иш очилди
3-саҳифа
−
04 Июнь 2023 8390
Ижтимоий тармоқларда MY5 телеканали журналисти Нозимжон Тешаевни номаълум шахс ҳақорат қилгани акс этган видео тарқалиб, турли муҳокамаларга сабаб бўлди. Мазкур ҳолат юзасидан Тошкент шахар Ички ишлар бош бошқармаси маълумот берди.
Кеча, 3 июнь куни Мирзо Улуғбек тумани Осиё кўчасидаги кўп қаватли уйлардан бирининг олдида 1993 йилда туғилган М.Я. жамиятда юриш-туриш қоидаларини менсимасдан Нозимжон Тешаев билан оғзаки жанжаллашиб, жамоат тартибини бузган.
Мазкур ҳолат юзасидан Мирзо Улуғбек тумани Ички ишлар органлари фаолиятини мувофиқлаштирувчи бошқармаси томонидан Маъмурий жавобгарлик тўгрисидаги кодексининг 183-моддаси (майда безорилик) билан маъмурий баённома расмийлаштирилган.
Ҳужжатлар ўрнатилган тартибда кўриб чиқишлик учун жиноят ишлари бўйича туман судига тақдим этилади.
Live
Барчаси
