Тошкентда Zeekr ва Onix ЙТҲ содир этди

Кеча, 19 ноябрь куни Тошкент шаҳрида Zeekr ва Onix автомашиналари йўл-транспорт ҳодисаси содир этди. Бу ҳақда шаҳар Ички ишлар бош бошқармаси Йўл ҳаракати хавфсизлиги бошқармаси хабар берди.

Қайд этилишича, воқеа соат тахминан 2:45 ларда Чилонзор тумани КҲАЙ кўчаси Солиқ коллежи қаршисида содир бўлган. Ҳайдовчилар 2001 йилда туғилган А.О. бошқарувидаги Zeekir ҳамда 2003 йилда туғилган Б.Ф. бошқарувидаги Onix транспорт воситалари ўртасида ЙТҲ содир бўлган.

ЙТҲ оқибатида Onix йўловчисига тез-тиббий ёрдам кўрсатилган. Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.

Эслатиб ўтамиз, аввалроқ Тошкент вилоятида Matiz машинаси йўл-транспорт ҳодисаси содир этиб, ағдарилиб кетганди. Ушбу йўл-транспорт ҳодисаси оқибатида ҳеч қайси ҳаракат иштирокчиларининг соғлиғига зиён етмаган. Ҳолат юзасидан Юқори Чирчиқ тумани ИИБ ЙҲХБ томонидан суриштирув ишлари олиб борилмоқда.