Тошкентда “Янги Ўзбекистон” боғига янги автобус қатнови йўлга қўйилади
Жамият
−
30 Сентябрь 2021 7984
Тошкент шаҳар транспорт бошқармаси томонидан “Машинасозлар метроси – Янги Ўзбекистон боғи” йўналиши бўйлаб янги автобус йўналиши ташкил этилмоқда.
Бошқарма хабарига кўра, ушбу йўналишда фаолият кўрсатиш истагида бўлган ташувчиларнинг аризалари 2021 йил 10 октябрь кунига қадар қабул қилинади.
Йўналишнинг умумий узунлиги 13 км, йўлга кетадиган вақт – тахминан 36 дақиқа. Бу йўналишда 6 та автобус ишлайди, улар орасидаги интервал 12 дақиқани ташкил қилади.
