Тошкентда янги қурилаётган бинода ёнғин чиқди (видео)
3-саҳифа
−
23 Июль 4614
Бугун, 23 июль куни Тошкент шаҳридаги янги қурилаётган бинода ёнғин содир бўлди. Бу ҳақда Фавқулодда вазиятлар вазирлиги хабар берди.
Соат 12:35 да Тошкент шаҳар Юнусобод тумани Ш.Рашидов кўчасида жойлашган янги қурилаётган бинода содир бўлаётганлиги тўғрисида ФВБга хабар тушган. Шунга кўра, зудлик билан 6 та ёнғин-қутқарув экипажи ёнғин жойига етиб борган.
Бинонинг том қисмида содир бўлган ёнғин соат 12:56 да бартараф этилди. Ёнғин оқибатида бинонинг том қисмидаги қурилиш маҳсулотлари ёниб зарарланган.
“Ёнғин-қутқарувчиларнинг тезкор саъй-ҳаракатлари туфайли ёнғиннинг кенгайиб кетиши олди олинди ва қисқа вақт ичида ўчирилди. Асосий бинога зарар етмаган. Ёнғин сабаби ва моддий зарар миқдори аниқланмоқда”, дейилади хабарда.
Ёнғин оқибатида тан жароҳати олган ва ҳалок бўлганлар йўқ.
Live
Барчаси
