Toshkentda o‘qituvchi 10 yashar o‘quvchisiga shahvoniy shilqimlik qildi

Toshkent shahrida 10 yoshli o‘quvchi qizga shahvoniy shilqimlik qilgan o‘qituvchiga ma’muriy qamoq jazosi tayinlandi. QALAMPIR.UZ sud hujjatini o‘rganib chiqdi.  

Qayd etilishicha, 2025 yilning 16 fevral kuni soat 13:30 da Yakkasaroy tumanida joylashgan rassomchilik to‘garagi maktabida 2000 yilda tug‘ilgan o‘qituvchi D.M. dars vaqtida 2015 yilda tug‘ilgan A.B.ning qaddi-qomatini tavsiflab, uning yelkalarini ushlab, uqalab, qo‘llarini ushlab, quchoqlab, unga shahvoniy shilqimlik qilgan.

 

 

 

 

Posmotret etu publikatsiyu v Instagram

 

 

 

 

 

 

 

 

 

 

 

Publikatsiya ot QALAMPIR.UZ (@qalampir.uz)

Kecha, 3 mart kuni Jinoyat ishlari bo‘yicha Yakkasaroy tuman sudida yuqoridagi ish ko‘rib chiqildi. Sud majlisida muallim aybiga to‘liq iqrorlik bildirdi. Sud tomonidan D.M. Ma’muriy javobgarlik to‘g‘risidagi kodeksning 41-1-moddasi (shahvoniy shilqimlik qilish) 1-qismida nazarda tutilgan huquqbuzarlikni sodir qilgan deb topilib, unga nisbatan 5 sutka ma’muriy qamoq jazosi tayinlandi.

Eslatib o‘tamiz, avvalroq Toshkent shahrining Olmazor tumanida 17 yoshli qizni mehmonxonaga olib borib, shahvoniy harakatlar sodir etgan va qizga yengil jarohat yetkazgan erkak qamalgandi.