Toshkentda sodir bo‘lgan YTH oqibatida piyoda vafot etdi
3-sahifa
−
21 may 3306
Kecha, 20 may kuni Toshkent shahrining Mirzo Ulug‘bek tumanida yo‘l-transport hodisasi ro‘y berdi. Bu haqda Toshkent shahar IIBB YHXB axborot xizmati xabar berdi.
Hodisa soat 21:00 larda Mirzo Ulug‘bek tumani Yuzrobod ko‘chasi 4-uy qarshisida sodir bo‘lgan. 1989 yilda tug‘ilgan (erkak) P.M. Matiz rusumli avtomashinasini boshqarib ketayotib, yoshi 35-40 atrofida rus millatiga mansub piyodani urib yuborgan. Piyoda olgan tan jarohatlari oqibatida voqea joyida vafot etgan.
Mazkur holat yuzasidan Toshkent shahar IIBB Tergov boshqarmasi tomonidan O‘zbekiston Respublikasi Jinoyat kodeksining 266-moddasi 2-qismi bilan jinoyat ishi qo‘zg‘atilgan. Tergov davom etmoqda.
Live
Barchasi
