Тошкентда лифтда бегона қизга шилқимлик қилган 18 ёшли йигит қамалди
Crime
−
03 December 2025 5343 1 minute
Тошкент шаҳрининг Сергели туманида 2007 йилда туғилган йигит ўзига нотаниш бўлган қизга шаҳвоний ҳаракатларни содир этгани учун 5 суткага қамалди. QALAMPIR.UZ суд ҳужжати билан танишди.
Аниқланишича, 30 ноябрь куни соат 01:10 да йигит Тошкент шаҳрининг Сергели туманида жойлашган бир уйнинг лифт қисмида ўзига нотаниш қизга инглиз тилида гаплаша оласанми, дея савол бериб, рад жавобини олганидан кейин унга шаҳвоний хатти-ҳаракатлар қилган.
Суд давомида йигит айбини тўлиқ тан олган.
Суд фуқарони Маъмурий жавобгарлик кодексининг 41-1-моддаси (шаҳвоний шилқимлик қилиш) 1-қисми бўйича айбли деб топган ва унга 5 кун маъмурий қамоқ жазосини тайинлаган.
Эслатиб ўтамиз, аввалроқ Тошкент шаҳрининг Чилонзор туманида жойлашган “Новза” метро бекатида бегона аёлга шилқимлик қилган йигит 5 суткага қамалганди.
Live
All
