Тошкентда хонадондаги ёнғинда бир киши ҳалок бўлди
3-саҳифа
−
11 Октябрь 2021 4901
Бугун, 11 октябрь куни соат 09:50 да Тошкент шаҳар Янгиҳаёт туманида жойлашган уйларнинг бирида ёнғин содир бўлган.
Ҳодиса жойига 4 та ёнғин-қутқарув экипажи соат 09:53 да етиб борган ва ёнғин 10:25 да бартараф этилган.
Ёнғин оқибатида уйнинг тахминан 20-25 кв.м. майдонидаги шифт ва ички қисми ёниб зарарланган.
Тезкор ҳаракатлар натижасида 6 нафар фуқаро қутқариб қолинган. Аммо, 1 киши кўрсатилган тиббий ёрдамга қарамасдан ҳалок бўлган. Ҳозирда ёнғиннинг келиб чиқиш сабаби ва моддий зарар миқдори аниқланмоқда.
