Тошкентда кафе ёниб кетди
3-саҳифа
−
18 Апрель 2023 10762
Ижтимоий тармоқларда Тошкент шаҳрида жойлашган кафелардан бирида ёнғин юз бергани акс этган видеолар тарқалди. Ҳолат юзасидан Фавқулодда вазиятлар вазирлиги маълумот берди.
Қайд этилишича, бугун, 18 апрель куни соат 13:42 да Яшнобод тумани Фарғона йўли кўчасида жойлашган кафеда ёнғин бўлаётгани ҳақида туман ФВБ диспетчерлик хизматига хабар келиб тушган.
Шунга кўра, 2 та ёнғин-қутқарув экипажлари соат 13:44 да етиб борган. Воқеа жойи кўздан кечирилганда кафе ошхонасида қозондаги ёғ назоратсиз қолдирилгани аниқланган. ФВВ ёнғин-қутқарувчилари томонидан ёнғин содир бўлишининг олди олинган.
Аниқланишича, ҳодиса оқибатида тан жароҳати олган ва ҳалок бўлганлар йўқ.
