Тошкентда иккита автобус тўқнашди

Бугун, 9 февраль куни тонгги соат 08:30 ларда иккита автобус тўқнашди. Ушбу ҳолат юзасидан "Тошшаҳартрансхизмат" АЖ расмий муносабат билдирди. 

Хабарга кўра, "12-Автобус саройи" филиали тасарруфидаги "King Long" ҳамда "5-Автобус саройи" филиали тасарруфидаги "Yutong" русумли автобуслар йўл-транспорт ҳодисасини содир этган. 

Гап шундаки, 131-сонли автобус ҳайдовчиси Х.Д. автобусни Чилонзор туманидаги бекатга тўхтатаётган вақтида йўловчи тушираётган 99-сонли автобус билан ён оралиқ масофани сақламаган. Оқибатда 131-сонли автобуснинг ўрта бўғин ойнаси ҳамда 99-сонли автобуснинг ён кўриш ойнаси бир-бирига тегиши оқибатида енгил шикастланган. 

Корхонанинг маълум қилишича, тўқнашувда тан жароҳати олганлар йўқ. Мазкур йўл-транспорт ҳодисаси Тошкент шаҳар ИИББ ЙҲХБ ходимлари томонидан расмийлаштирилган. Дастлабки суриштирув натижаларига кўра, ЙҲТни содир этганликда 99-сонли автобус ҳайдовчиси айбланмоқда.

Эслатиб ўтамиз, аввалроқ Тошкентда электробус симёғочга бориб урилиши оқибатида йўл-транспорт ҳодисаси содир бўлганди.