Тошкентда иккинчи хотинининг қизини зўрлаган блогер қамалди

Аввалроқ, Тошкент шаҳрида 11 яшар қизчанинг номусига тажовуз қилиб, зўрлаб келган эркак қўлга олингани ҳақида хабар берилган эди. Ушбу ҳолат юзасидан суд ҳукми эълон қилинди. Бу ҳақда Тошкент шаҳар суди матбуот котиби Зокиржон Қўзибоев QALAMPIR.UZ’га маълум қилди.

Қайд этилишича, 5 нафар боланинг отаси бўлган 31 ёшли эркак қонуний хотини бўла туриб, бошқа бир эркак билан расмий никоҳи бекор қилинмаган аёлни ўзига иккинчи хотин қилиб олган. Бундан ташқари, у иккинчи хотинининг вояга етмаган (11 яшар) қизини ҳам мунтазам зўрлаб келган.

Вояга етмаган шахсга нисбатан жинсий жиноят содир этган 31 яшар A.K. рад этиб бўлмас далиллар билан қўлга олинган. Унга нисбатан Жиноят кодексининг 119-моддаси 4-қисми (жинсий эҳтиёжини зўрлик ишлатиб ғайритабиий усулда ўн тўрт ёшга тўлмаган шахсга нисбатан қондириш) билан жиноят иши қўзғатилган.

Суд ҳукми билан эркак Жиноят кодексининг 168-моддаси (фирибгарлик) 4-қисми “а” банди, 126-1-моддаси (оилавий (маиший) зўравонлик) 3-қисми, 25,119-моддаси (жинсий эҳтиёжни зўрлик ишлатиб ғайритабиий усулда қондириш) 4-қисми, 119-моддаси (жинсий эҳтиёжни зўрлик ишлатиб ғайритабиий усулда қондириш) 4-қисми билан тайинланган жазолар аслича қолдирилиб, Жиноят кодексининг 59-моддасига (бир неча жиноят содир этганлик учун жазо тайинлаш) асосан тайинланган жазоларни қисман қўшиш йўли билан ўташ учун 16 йил 6 ой озодликдан маҳрум қилиш жазоси тайинланган. 

Ҳукм қонуний кучга киргач, ундан жабрланувчи фойдасига 254 млн 653 минг 783 сўм моддий зарар ундирилиши белгиланган.

Эслатиб ўтамиз, аввалроқ Туркияда ўгай отасининг жинсий тажовузига учраган Ўзбекистон фуқароси мамлакатга қайтарилганди.