Тошкентда фуқаронинг уйидан 19 та милтиқ топилди (видео)

3-саҳифа

−

07 июл visibility6103 timer1 дақиқа

Тошкентда икки фуқаро марҳум яқинларига тегишли бўлган ўқотар қурол ва ўқ-дориларни ҳуқуқни муҳофаза қилувчи органларга ихтиёрий равишда топширди. Бу ҳақда Давлат хавфсизлик хизмати хабар берди.

Маълум қилинишича, Тошкент шаҳрининг Яккасарой туманида яшовчи 1981 йилда туғилган фуқаро марҳум отаси алоҳида истиқомат қилган хонадонда аниқланган 1 дона винтовка, 19 дона ўқотар ов қуроли, 13 дона ствол ва колодкалар, 117 дона ўқ-дори ҳамда бошқа иккиламчи эҳтиёт қисмларни ҳуқуқни муҳофаза қилувчи органларга топширган.

Бошқа ҳолатда эса Миробод туманида яшовчи 1960 йилда туғилган аёл ҳам марҳум турмуш ўртоғига тегишли бўлган 2 дона ўқотар ов қуроли ва 181 дона ўқ-дорини топширган.

Эслатиб ўтамиз, аввалроқ Жиззах вилоятининг Пахтакор ва Шароф Рашидов туманларида патронлар, ўқотар қурол ва ўқ-дориларни ноқонуний сақлаб келган шахслар ушланган эди.

Мақола муаллифи