Тошкентда 65 ёшли пиёда ЙТҲ қурбони бўлди
3-саҳифа
−
23 Июль 2021 4615
Кеча, 22 июль куни Тошкентнинг Яшнобод туманида содир бўлган йўл-транспорт ҳодисасида 65 ёшли эркак вафот этди. Бу ҳақда Тошкент шаҳар ИИББ хабар берди.
ЙТҲ тахминан соат 00:30 да Яшнобод тумани Қорасув кўчасида юз берган. 1999 йилда туғилган Хожиакбар Л. ишончнома асосида Matiz русумли автомобилни бошқариш давомида йўлни белгиланмаган жойдан кесиб ўтмоқчи бўлган пиёда – 1956 йилда туғилган Шавкат Б.ни уриб юборган.
Оқибатда пиёда воқеа жойида ҳаётдан кўз юмган.
Мазкур ҳолат бўйича Тошкент шаҳар ИИББ Тергов бошқармаси томонидан Ўзбекистон Жиноят кодексининг 266-моддаси 2-қисми аломатлари билан жиноят иши қўзғатилди. Тергов давом этмоқда.
