Тошкентда 17 ёшли сартарош танишини қайчи билан ўлдириб қўйди
Жамият
−
07 Июнь 2020 20018
Жорий йилнинг 5 июнь куни Тошкент шаҳрининг Яшнобод туманида 17 ёшли сартарош йигит 26 ёшли танишининг кўкрагига қайчи билан зарба бериб, уни ўлдирди. Бу ҳақда Бош прокуратура Матбуот хизмати маълум қилди.
Ҳодиса 5 июнь куни соат 00:00 ларда юз берган. 1994 йилда туғилган И.А. ва 1989 йилда туғилган А.Б. Асалобод-2 даҳаси, 1-уй олдидан ўтирган вақтда олдидан ўтиб кетаётган танишлари 1985 йилда туғилган З.Н. ва 2003 йилда туғилган И.Й.ни ҳақорат қилган.
Натижада И.А. И.Й. билан ўзаро жанжаллашиб қолган. И.Й. ёнида бўлган сартарош қайчиси билан унинг кўкрак қафаси олд юзаси тўш соҳасига бир марта уриб, қасддан ўлдирган.
Мазкур ҳолат юзасидан шу куни туман прокуратураси томонидан И.Й.га нисбатан Жиноят кодексининг 97-моддаси 1-қисми билан жиноят иши қўзғатилган. И.Й. қўлга олинган.
Live
Барчаси
