Toshkent viloyati IIBBga yangi rahbar tayinlandi

Bugun, 29 iyul kuni O‘zbekiston Respublikasi Ichki ishlar vazirining tegishli buyrug‘iga asosan polkovnik Abduvosit Abdulhayevich Abdurazzoqov Toshkent viloyati Ichki ishlar bosh boshqarmasi boshlig‘i lavozimiga tayinlandi. Bu haqda viloyat hokimligi matbuot xizmati xabar berdi.

Mazkur tayinlovga qadar Abduvosit Abdurazzoqov Toshkent shahar Ichki ishlar bosh boshqarmasi boshlig‘i o‘rinbosari, Tergov boshqarmasi boshlig‘i lavozimida ishlab kelayotgan edi.

Ma’lumot uchun, Abduvosit Abdurazzoqov 1981 yil 19 iyulda Toshkent shahrida tug‘ilgan. U 2002 yil IIV Akademiyasini tamomlagan. So‘ngra ichki ishlar sohasining turli lavozimlarida faoliyat yuritib kelgan.

2020-2021 yillar Sergeli tuman Ichki ishlar organlari FMB boshlig‘i  lavozimida ishlagan.

Eslatib o‘tamiz, avvalroq Ichki ishlar vazirining tegishli buyrug‘i asosida sobiq Toshkent viloyati IIBB boshlig‘i Tohir To‘lqinovich Aripov Samarqand viloyati Ichki ishlar boshqarmasi boshlig‘i etib tayinlangani haqida xabar berilgandi.