Тошкент туманида бир-бирига туташ хонадонлар ёниб кетди
3-саҳифа
−
30 Май 2023 5041
Тошкент вилояти Тошкент туманида бир-бирига туташ қурилган хонадонларда ёнғин содир бўлди. Бу ҳақда Фавқулодда вазиятлар бошқармаси хабар берди.
Бугун, 30 май куни соат 13:59 да Тошкент тумани “Абдураҳмонов” маҳалласида жойлашган бир-бирига туташ қурилган хонадонларда ёнғин содир бўлгани тўғрисида туман ФВБга хабар келиб тушган.
Шунга кўра, 9 та ёнғин-қутқарув экипажи соат 14:24 да воқеа жойига етиб бориб, ёнғин соат 15:15 да ўчирилган.
Ёнғин оқибатида 3 та хонадоннинг тахминан 450 кв метр майдонда том ва ички жиҳозлари ёниб зарарланган.
Ҳодиса оқибатида тан жароҳати олган ва ҳалок бўлганлар йўқ. Ҳозирда ёнғин сабаби ва моддий зарар миқдори аниқланмоқда.
