Тошкент метросидаги 8 та вестибюль очилди

Тошкент метрополитенида бундан икки ой аввал ёпилган метро станцияларидаги 17 вестибюлнинг саккизтаси йўловчилар учун очилди. Бу ҳақда “Тошкент метрополитени” унитар корхонаси маълум қилди.

Хабарда айтилишича, метро бекатларидаги 9 та вестибюл техник сабабларига кўра ёпиқлигича қолмоқда. Улар: 

•  "Ҳамид Олимжон" бекати – "НБУ" банки томонидаги вестибюл; 
•  "Aмир Темур Хиёбони" бекати – 50-мактаб ёнидаги вестибюл; 
•  "Мирзо Улуғбек" бекати – "Миллий" стадиони тарафидаги вестибюл; 
•  "Тошкент" бекати – Бош почтампт томонидаги вестибюл; 
•  "Ойбек" бекати – Фармацевтика институти томонидаги вестибюл; 
•  "Космонавтлар" бекати – Ўзбекистон Республикаси ИИВ томонидаги вестибюл; 
•  "Aбдулла Қодирий" бекати – Гёте институти ёнидаги вестибюл; 
•  "Минор" бекати – Молия институти томонидаги вестибюл; 
•  "Мустақиллик майдони" бекати – "Мустақиллик майдони" томонидаги вестибюл.

Шу билан бирга, "Тошкент метрополитени" УК 2020 йилнинг 10 декабиригача барча вестибюлларнинг босқичма-босқич очилишини маълум қилди.

Эслатиб ўтамиз, жорий йилнинг 24 cентябрь куни Тошкент метрополитени бекатларидаги 17 та вестибюл вақтинча ёпилганлиги ҳақида хабар берган эдик.