70 000 га сомса, 200 000 га қулупнай. Тошкент инвестиция форумида фантастик ҳашаматли дастурхон ёзилган

Жамият 47954
image
-

Жорий йилнинг 24−26 март кунлари ўтказилган Тошкент халқаро инвестиция форумини ташкил этиш учун тахминан 15 млрд сўм (тахминан 1,37 млн доллар) маблағ сарфланган. Бу ҳақда “Davletovuz” Инвестициялар ва ташқи савдо вазирлигининг давлат харидлари тизимидаги маълумотларига асосланиб ёзмоқда.

Порталдаги маълумотлардан қуйидаги харажатлар амалга оширилганини кўриш мумкин:

"Sky Events" МЧЖ форумни ташкиллаштириш харажатлари 7 млрд 264 млн сўм;

"Lyuks Taxi" МЧЖ люкс автомобиллар ижараси 2 млрд 53 млн сўм;

Akfa Dream World (Hilton) форум доирасида таомлар 2 млрд 585 млн сўм;

"Ahadmix-Yastreb" МЧЖ саҳна ва экранлар ижараси 457 млн сўм;

Respublika maxsus aloqa bog`lamasi (овоз қурилмалари) — 798,5 млн сўм;

Akfa Dream World (Hilton) форум штаби учун зал ижараси ва таом253 млн сўм;

"Interhotel" (меҳмонхона) МЧЖ заллар ижараси ва 1500 кишилик таом1 млрд 190 млн сўм;

"Shoraxmat-Fayz" оилавий корхонасидан байроқ ижараси398 млн сўм;

Тадбирни ўтказиш учун сарфланган маблағ бугун ижтимоий тармоқларда муҳокамаларга сабаб бўляпти. Негаки қарийб 1,5 млн доллар сарфланган форум учун бир дона сомса 70 000 сўмдан (350 таси 24,5, млн сўм), малина, қорағат, голубика, қулупнай ва гилос 200 000 сўмдан, ҚҚС билан ҳар бир порцияси 230 минг сўмдан (100 порциядан 500 порция — 115 млн сўм) етказиб берилган.

"Sky Events" МЧЖ билан тузилган шартномага кўра корхона форум учун 7 млрд 264 млн сўмлик қуйидаги хизматларни кўрсатган

"Lyuks Taxi" МЧЖ 2 млрд 53 млн сўм эвазига қуйидаги автомобиллар ижарага олинган

Akfa Dream World форум доирасида 2 млрд 585 млн сўмлик қуйидаги таомларни етказиб берган

Инвестициялар ва ташқи савдо вазирлиги маълумотига кўра, қарийб 15 млрд сўмга тушган форум якунлари бўйича 7,8 млрд долларлик аниқ шартномалар ва инвестициявий битимлар пакети имзоланди. Шунингдек, қиймати 3,5 миллиард долларлик лойиҳаларни амалга ошириш бўйича дастлабки келишувларга эришилди.

Суннатилла Абдуллаев
Мақолага баҳо беринг
Баҳолаганлар: 1235
Рейтинг: 3.1
t
×