Тошкент дунёдаги энг ҳавоси ифлос шаҳар бўлди
Жамият
−
21 Февраль 12363
Бугун, 21 февраль ҳолатига кўра, Тошкент шаҳри ҳавонинг ифлосланиш даражаси бўйича жаҳонда биринчи ўринни эгаллади. Бу бўйича маълумотлар реал вақт режимида фаолият юритувчи IQAir порталида маълум қилинди.
Соат 08:45 атрофида Тошкент ҳавосида майда PM2,5 дисперс зарраларининг концентрацияси 196 мкг/м3 ни ташкил этган – бу “зарарли” таснифдаги кўрсаткич ҳисобланади. Тошкент шаҳридаги PM2,5 концентрацияси ҳозирда ЖССТ тавсия қилган йиллик ўртача ҳаво сифатидан 28,5 баравар юқори.
Тошкентдан кейинги ўринларни Покистоннинг Лаҳор, Бангладешнинг Дакка, Ҳиндистоннинг Нью-Деҳли шаҳарлари эгаллаган.
Эслатиб ўтамиз, 13 февраль куни Тошкент шаҳри ҳавонинг ифлосланиш даражаси бўйича жаҳонда учинчи ўринни эгаллаганди.
