Тошкент-Чорвоқ йўналишида тезлик чекланди

Тошкент-Чорвоқ йўлининг айрим қисмларида ҳаракат тезлиги 80 км/соатгача чекланди. Бу ҳақда кеча, 2 февраль куни қабул қилинган Тошкент вилояти Халқ депутатлари кенгашининг қарорида сўз боради.

Унга кўра, Тошкент вилояти ҳудудида жойлашган давлат аҳамиятига эга “Бектемир-Чирчиқ-Ғазалкент-Чорбоғ қўрғони” автомобиль йўлининг 19-74 километрлари оралиғида белгиланган тезликка амал қилмаслик оқибатида 2025 йил 12 ойи давомида жами 63 та йўл-транспорт ҳодисаси содир этилган. Оқибатда 15 фуқаро вафот этган ва 50 фуқаро тан жароҳати олган.

Шунингдек, ҳужжатда 4P-12 “Бектемир–Чирчиқ–Ғазалкент–Чорбоғ қўрғони” автомобиль йўлининг аҳоли яшаш жойларидан ташқари бўлган 6 та қисмида юқори тезлик 80 км/соат этиб белгиланган (илгари 100 км/соат бўлган). 

Чеклов ўрнатилган асосий нуқталар қуйидагилар:

Эслатиб ўтамиз, аввалроқ Ангренда тезлик белгиси номаълум шахслар томонидан ўзгартириб қўйилгани ҳақида хабар берилган эди.

Жамшидбек Амиров