Тошкент бозорларида кунлик патта нархлари ошиши кутилмоқда

Тошкент шаҳридаги бозорларда савдонинг бир талай турлари учун патта нархи ўртача 20-30 фоизга қимматлаши кутилмоқда. Бу ҳақда жамоатчилик муҳокамасига қўйилган “Тошкент шаҳридаги бозорлар ва савдо комплексларининг маъмурияти томонидан ундириб олинадиган бир марталик йиғимлар, ижара тўловлари ва кўрсатиладиган хизматлар қийматининг янги миқдорларини жорий этиш тўғрисида” Тошкент шаҳар ҳокимининг қарори лойиҳасида сўз боради.

Қарор лойиҳасида Тошкент бозорларида савдонинг бир талай турларига патта нархини ўртача 20-30 фоизга ошириш кўзда тутилган.

Ўзгариши кутилаётган нархларнинг тўлиқ рўйхати билан қуйида танишишингиз мумкин:

Ҳужжатда қайд этилишича, Қишлоқ хўжалиги маҳсулотлари ва халқ истеъмоли моллари билан савдо қилинганда, бир жой (савдо ўрни) ўлчами 1-1,2 погон метр деб белгиланади ва шу ўлчамдан ортиқ ўрин учун қўшимча равишда ҳар бир савдо ўрни учун белгиланган тўлов миқдорида жой ҳақи ундирилади.

Шунингдек,  маҳсулотлар аралаш ҳолда сотилганда, тўлов сотиладиган маҳсулот турлари бўйича белгиланган энг юқори ставка бўйича ундирилади.