Тошкент ҳаво ифлослиги бўйича биринчи ўринга чиқди

Бугун, 27 декабрь куни Тошкент шаҳри ҳаво ифлослиги бўйича дунёда биринчи ўринда турибди. Бу ҳақда IQAir портали хабар берди.

Ҳаво сифати индекси (AQI) рейтингига кўра, 27 декабрь соат 08:48 ҳолатида Тошкент ҳавосининг ифлослиги бўйича Деҳлини ҳам ортда қолдириб, дунёда 1-ўринни эгаллади. Ушбу рейтингда 2-ўринни Ҳиндистоннинг Деҳли шаҳри, 3-ўринни Покистоннинг Лахор шаҳри, 4- ўринни Хитойнинг Вухан шаҳри эгаллаган.

Ҳаво сифатининг зарарлилик даражаси унинг ўсиш бирлигига қараб белгиланади ва рангларга бўлинади. Масалан: 

Ҳаво сифати 0-50 бирликкача “яшил” даража билан яхши; 

• 51-100 бирликкача “сариқ” даража билан ўртача хавфли;

• 101-150 бирлик ҳолатида “оловранг” даражаси билан заиф гуруҳлар учун зарарли;

• 151-200 бирликда “қизил” даража билан зарарли; 

• 201-300 бирликда “бинафшаранг” даража билан жуда зарарли;

• 301+ бирликда эса “бордо” ранги билан хавфли деб баҳоланади.