“Толибон” Россия ва Афғонистон ўртасида футбол ўйинларини ташкил этмоқчи
Спорт
−
07 Июнь 4340
“Толибон” Россия ва Афғонистон ўртасида футбол ўйинлари ўтказилишини хоҳламоқда. Бу ҳақда Афғонистондаги муваққат ҳукуматида меҳнат ва ижтимоий алоқалар вазири вазифасини бажарувчи Абдул Умарий маълум қилди.
Унинг айтишича, “Толибон” Афғонистонда спортчилар иштирокида спорт ўйинлари кўпайишини хоҳлайди, шунингдек, руслар билан футбол ўйинини ўтказиш ғоясини қўллаб-қувватлайди.
Умарийнинг сўзларига кўра, Афғонистон терма жамоаси охирги вақтларда яхши ўйин кўрсатмоқда ва Осиё чемпионатларида иштирок этяпти.
“Биз мамлакатларимиз ўртасидаги футбол турнирини интиқлик билан кутмоқдамиз”, дейди Умарий.
Маълумот учун, ҳозирда Афғонистон терма жамоаси FIFA рейтингида 151-ўринни эгаллаб турибди.
Live
Барчаси
