Токио-2020; қиличбоз Зайнаб Дайибекова 3-рақамли спортчини мағлуб этди

Sport

−

26 July 2021 visibility4984 timer1 minute

Қиличбозликнинг сабля йўналишида Ўзбекистон номидан Олимпиадада иштирок этаётган 18 ёшли спортчи Зайнаб Дайибекова дастлабки икки баҳсда ғалаба қозонди.

Дастлаб, мезбон мамлакат — Япония вакили Чика Аокига қарши кечган жангда 15:9 ғалаба билан ўзбек спортчиларининг бугунги иштирокини муваффақиятли бошлаб берди.

Иккинчи даврада қорақалпоғистонлик спортчига Осиё ўйинлари финалчиси хитойлик Яци Шао рақиблик қилди. Дайибекова ушбу беллашувни ҳам кўнгилдагидек ўтказиб, 15:10 ҳисобида рақибидан устун келди. Дайибекова рейтингда 35, Шао эса 3-рақамда сараланган эди.

Унинг кейинги даврадаги рақиби жанубий кореялик Жису Йон бўлади. Ушбу жанг Тошкент вақти билан соат 9:30 дан сўнг бошланиши кутилмоқда.

Author