Техасда электр симига илиниб қолган юк машинаси портлаб кетди (видео)
Олам
−
15 Июнь 2023
8742Техас штатидаги Даллас шаҳрида бетон қуйишга мўлжалланган юк машинаси катта кучланишли электр тармоғига илиниб қолиши оқибатида портлаб кетди. Бу ҳақда штат полиция департаментига таяниб, “Fox News” хабар берди.
Манбага кўра, кеча, 14 июнь куни юк машинаси ҳайдовчиси соҳил бўйи ҳудудидаги қурилиш чоғида эҳтиётсизликка йўл қўйган. Машинага ўрнатилган насосли кран катта кучланишдаги электр симига илиниб қолиши оқибатида ёнғин юзага келган.
Соат 14:00 да бошланган ёнғин машинанинг ёқилғи бакида чақнашни юзага келтирган. Орадан 5 дақиқа вақт ўтиб, унинг кучи бироз сусайган ва соат 14:10 ларда бартараф этилган.
Шунингдек, ёнғин бир неча соатга автомобиль йўлининг тўсилиб қолишига ва 100 дан ортиқ истеъмолчиларнинг электрсиз қолишига сабаб бўлган. Мазкур ҳодиса оқибатида жабрланганлар ҳақида маълумот берилмаган.
Муҳсинжон Умурзоқов
LiveБарчаси