“Тарихдаги энг қийин исмлардан бири”. Трамп Шавкат Мирзиёев билан ҳазиллашди (видео)

Бугун, 19 февраль куни “Тинчлик кенгаши”нинг биринчи йиғилиши бўлиб ўтмоқда. Ушбу тадбир Оқ уй тарафидан тўғридан тўғри ёритилмоқда.

АҚШ Тинчлик институтида бўлиб ўтаётган саммит учун Вашингтонга камида 40 та давлат вакиллари, жумладан, давлат раҳбарлари ташриф буюрган. Мезбон тараф бўлган АҚШ Президенти Дональд Трамп барча қўноқларни бирма бир таништириб келмоқда. 

Навбат Ўзбекистон Президенти Шавкат Мирзиёевга келганда, Дональд Трамп унинг фамилиясини айтишда қийналди ва Ўзбекистон раҳбарини дўсти деб ҳисоблашини билдириб, Мирзиёевнинг фамилияси тарихдаги энг қийинларидан бири эканини қўшимча қилди.

“Ўзбекистон Президенти Мирзиёев, менинг дўстим. У тарихдаги энг қийин номлардан бирига эга, лекин бу яхши. Сизнинг мамлакатингиз ажойиб тарзда ривожланмоқда. Сиз ажойиб ишлаяпсиз. Ва муаммо йўқ”, деган Трамп.

Шунингдек, Трамп Ўзбекистон, Қозоғистон, Озарбайжон, БАА, Марокаш, Баҳрайн, Қатар, Саудия Арабистони ва Қувайт ёрдам пакетига 7 миллиард доллардан ортиқ маблағ ажратганини маълум қилди.

Эслатиб ўтамиз, кеча 18 февраль куни Ўзбекистон Президенти Шавкат Мирзиёев рафиқаси ҳамроҳлигида амалий ташриф билан АҚШга етиб борган эди.