Тарихда илк бор ўзбекистонлик жангчи UFC топ-15'лигига кирди
Спорт
−
30 Апрель 8806
Ўзбекистонлик UFC жангчиси Богдан Гусков ўз вазнида ташкилот рейтингида 12-ўринни эгаллади. Бу ҳақда UFC'нинг янгиланган рейтингида маълум қилинди.
Гусков ярим оғир вазнда UFC Vegas 91 турнири доирасида рейтингда 11-ўрин банд этган америкалик Райан Спэнни мағлубиятга учратди ва жадвалда яхшигина юқорилашга эришди.
Мазкур вазнда чемпион бразилиялик Алекс Перрейра ҳисобланади, 1-ўринда эса чехиялик Иржи Прохазка қайд этилган. Кучли учликка Могомед Анкалаев ва Жамал Хилл киритилган.
Маълумот учун, 31 ёшли Гусков ҳозиргача UFC'да 3 та жанг ўтказиб, тўқнашувларнинг 2 тасида муддатидан аввал ғалаба қозонди. У промоушендаги дебютини швейцариялик тажрибали жангчи Волкан Оздемирга қарши ўтказиб, имкониятни бой берганди.
Live
Барчаси
