Таиланд ўзбекистонликларга виза режимини бекор қилди

Бангкок фуқаролари Таиландга ташриф буюриш учун визага муҳтож бўлмаган давлатлар ва ҳудудлар рўйхатини 93 тагача кенгайтирди. Рўйхатга киритилган давлатлар орасида Марказий Осиёдан Ўзбекистон ва Қозоғистон бор. Бу ҳақда Таиланд ҳукумати матбуот котиби Чай Вачаронгга асосланиб, “Bangkok Post” газетаси хабар берди.

Янги қоидаларга кўра, мамлакат чет эллик талабаларга ўқишни тамомлагандан кейин яна бир йил қиролликда яшаш имкониятини тақдим этади. 

Эндиликда Таиландга визасиз кириш ҳуқуқига эга бўлган давлат ва ҳудудлар сони 57 тадан 93 тага кўпаяди. Рўйхатга Албания, Ҳиндистон,  Қозоғистон, Хитой, Мексика, Руминия ва Ўзбекистон каби давлатлар киритилмоқда. Сайёҳлар учун максимал қолиш муддати 60 кунни ташкил қилади. 

Бундан ташқари, 31 давлат фуқароларига Таиландга келганида виза берилади, аввалроқ бу тоифада атиги 19 давлат бор эди. 

Нашрнинг ёзишича, қиролликда дам олиш ва ишлашни бирлаштирмоқчи бўлган сайёҳлар 180 кунлик қолиш ва худди шундай муддатга узайтириш имконияти билан беш йилга виза олиш учун ариза топшириш имкониятига эга бўлади. Чет эллик талабалар, ўз навбатида, Таиландда иш топишга ҳаракат қилиш учун ўқишни тугатгандан сўнг яна бир йил мамлакатда яшашлари мумкин. 

2024 йил бошидан буён Таиландга 14,3 миллион хорижлик ташриф буюрди. Энг кўп хорижий фуқаролар Хитойдан келган – 2,8 миллион, қўшни Малайзия – 1,9 миллион, Россия, Ҳиндистон (810 минг) ва Жанубий Корея (786 минг). 2023 йилда Таиланд 1,48 миллион россияликни қабул қилди ва Россиядан сайёҳлар оқими пандемиядан олдинги даражага етди.