Суперлигада энг яхши футболчи, тўпурар ва мураббий номи маълум бўлди

Спорт 1426
image

Бугун, 25 декабрь куни Ўзбекистон футбол ассоциацияси ва Профессионал футбол лигаси томонидан ўзбек футболининг 2021 йил якунларига бағишланган “Uz Football Awards-2021” тақдирлаш маросими бўлиб ўтмоқда. 

Жорий мавсумда “Насаф” сафида 26 та ўйинда иштирок этиб, 13 та гол уришга муваффақ бўлган футболчи, Ўзбекистон кубоги соҳиби Ҳусаин Норчаев Суперлиганинг жорий мавсумдаги энг яхши футболчиси, деб топилди. Бундан ташқари энг яхши ёш футболчи сифатида ҳам эътироф этилди.

“Пахтакор” билан биргаликда Ўзбекистон Суперлигаси чемпионига айланган, жамоанинг етакчи футболчиларидан бири – Драган Черан 16 гол ва 4 та голли узатма эвазига чемпионат тўпурарига айланди.

Шунингдек, Ўзбекистон Суперлигасининг ушбу мавсумдаги чемпиони ва Ўзбекистон Суперкубоги ғолиби – Питер Хюистра “Энг яхши мураббий” совринига лойиқ кўрилди.

Ҳумоюн Орипов
Мақолага баҳо беринг
Баҳолаганлар: 38
Рейтинг: 2.8
t
×