Sloveniya va Kolumbiyaning O‘zbekistondagi yangi elchilari ishni boshladi

Jamiyat

−

21 iyun 2024 visibility4937 timer1 daqiqa

Bugun, 21 iyun kuni Sloveniya va Kolumbiyaning O‘zbekistondagi yangi elchilari ishonch yorliqlarini topshirdi. Bu haqda Tashqi ishlar vaziri Baxtiyor Saidov o‘zining Telegram-kanalida ma’lum qildi.

Qayd etilishicha, vazir Sloveniyaning O‘zbekistondagi elchisi etib tayinlangan Darya Bavdaj Kuretning ishonch yorlig‘ini qabul qilib olgan. Uchrashuvda ikki va ko‘p tomonlama hamkorlikning asosiy ustuvor yo‘nalishlari muhokama qilingan.

Shuningdek, vazir Kolumbiyaning O‘zbekistondagi Favqulodda va muxtor elchisi Ektor Isidro Arenas Neyraning ham ishonch yorlig‘ini qabul qilgan. Uchrashuv davomida ikki tomonlama aloqalarni chuqurlashtirish, ishbilarmonlik, siyosiy, madaniy hamkorlikni hamda xalq diplomatiyasini rivojlantirish muhimligi ta’kidlangan.

Maqola muallifi