“Сити” “Этиҳад”га Гвардиола номини қолдирмоқчи

“Манчестер Сити” Пеп Гвардиола шарафига “Этиҳад” стадионидаги трибуналардан бирига унинг номини беришни режалаштирмоқда. Бу ҳақда ESPN нашри хабар берди.

Клуб ҳозирча Пеп Гвардиола кетишини расман эълон қилмаган бўлса-да испаниялик мутахассиснинг кетиши деярли аниқ бўлиб улгурган. Айни пайтда асосий эътибор “Арсенал”га қарши Англия Премьер-лигаси чемпионлиги учун кечаётган курашга қаратилган.

Шу билан бирга, клуб раҳбарияти бир давр якунланишини муносиб нишонлаш ва Пеп Гвардиолага ҳурмат бажо келтириш учун махсус режалар тайёрламоқда.

Манбага кўра, “Манчестер Сити” Гвардиола шарафига “Этиҳад” стадионидаги трибуналардан бирига унинг номини беришни режалаштирган.

Шунингдек, мавсум якунланганидан кейин қўшимча тантанали маросимлар ўтказилиши кутилмоқда. Испаниялик мутахассис ўн йил давомида жамоа билан 20 та соврин қўлга киритди. Улар қаторида Чемпионлар лигаси ва олти марта Англия Премьер-лигаси чемпионлиги ҳам бор. Пеп Гвардиола бошқаруви остида жамоа барча мусобақаларда жами 591 та учрашув ўтказган.

Эслатиб ўтамиз, “Манчестер Сити”ни Гвардиола кейин Энцо Мареска эгаллайди. Клуб раҳбарияти аллақачон италиялик мутахассис билан келишувга эришган.