Сирский Украина армиясининг асосий муаммосини айтди

Украина Қуролли кучларининг асосий муаммоси – мотивацион ҳарбий хизматчиларнинг етишмаслиги. Бу ҳақда Украина Қуролли кучлари бош қўмондони Александр Сирский Шарқий фронтга сафари якунида маълум қилди.

“Ҳозирда ҳар қандай даражадаги қўмондонлар учун асосий муаммоли масала – бу бўлинмаларни ғайратли, яхши тайёрланган ҳарбий ходимлар билан таъминлаш”, деб ёзди Сирский Facebook'даги саҳифасида.

Унинг сўзларига кўра, яна бир муаммоли масала – бўлинмаларни учувчисиз самолётларга қарши самарали кураша оладиган замонавий электрон уруш ва ҳарбий ҳаво мудофаа тизимлари билан таъминлаш.

Унинг айтишича, Покровский йўналишидаги вазият энг оғирлигича қолмоқда. Сирский бу ҳудуд доимий эътиборга муҳтожлигини, шунингдек, қўшимча снарядлар ва ўқ отиш кучи билан таъминлашни таъкидлади.

“Бошқа йўналишларда жанговар ҳаракатлар интенсивлиги пасайган, фаол фронт чизиғи кучайган”, деб қўшимча қилди бош қўмондон.

Азизбек Эшмаматов