Siberian Wellness ва NamAgro Tech Brand Awards International 2026 мукофотини қўлга киритди

Бизнес

−

25 Май visibility1029 timer3 дақиқа

2026 йилда Siberian Wellness ва NamAgro Tech яна Brand Awards International халқаро мукофоти лауреатига айланди. Соғлом турмуш тарзи, экология ва замонавий ишлаб чиқариш тамойилларини бирлаштираётган компаниялар wellness-индустрияси, агро-саноат ҳамда маҳаллий ишлаб чиқаришни ривожлантиришдаги ҳиссаси учун халқаро экспертлар томонидан эътироф этилди.

Siberian Wellness — wellness-индустрияни ривожлантириш йўлида

Siberian Wellness — соғлиқ, гўзаллик ва фаол ҳаёт тарзи йўналишида фаолият юритувчи халқаро компания бўлиб, бугунги кунда дунёнинг 60 дан ортиқ мамлакатида фаолият олиб боради. Компания Ўзбекистонда 16 йиллик ривожланиш тарихига эга. У сўнгги йилларда нафақат wellness-компания, балки ишлаб чиқариш ва агро-саноат йўналишларини бирлаштирган йирик экотизим сифатида ҳам ривожланмоқда.

Компания маҳаллий ишлаб чиқариш, экологик ечимлар ва замонавий технологияларни ривожлантиришга фаол инвестиция киритмоқда. Шунингдек, янги иш ўринларини яратиш, инфратузилмани ривожлантириш ва тўлиқ циклли замонавий ишлаб чиқариш экотизимини яратиш ҳам асосий йўналишлардан бири ҳисобланади.

Brand Awards International 2026 доирасида компания “Ўзбекистонда wellness-индустриясини ривожлантириш ва барқарор ишлаб чиқариш экотизимини жорий этиш, соғлиқ учун табиий ва илмий асосланган маҳсулотларга ишончни мустаҳкамлашга қўшган ҳиссаси учун” тақдирланди.

NamAgro Tech: 415 гектардан 1100 гектаргача

NamAgro Tech — Siberian Wellness экотизимининг стратегик қисми бўлиб, бугунги кунда Марказий Осиёдаги энг йирик агро-саноат лойиҳаларидан бири сифатида ривожланмоқда. Сўнгги олти йил давомида лойиҳа дастлабки боғларни ишга тушириш босқичидан етиштириш, хомашёни қайта ишлаш ва юқори қўшимча қийматга эга маҳсулотлар ишлаб чиқаришни бирлаштирган йирик ишлаб чиқариш кластеригча бўлган йўлни босиб ўтди.

Лойиҳа илк босқичда 415 гектар боғ майдонини қамраб олган бўлса, бугунги кунда NamAgro Tech ҳудуди 1100 гектарга етган. Компания боғларни кенгайтириш, хомашёни қайта ишлашни ривожлантириш, замонавий агротехнологияларни жорий этиш ва доривор ўсимликларни етиштириш йўналишларига фаол инвестиция киритмоқда. Шунингдек, янги ишлаб чиқариш йўналишларини йўлга қўйиш, жумладан пектин ишлаб чиқариш лойиҳаси устида ҳам ишлар олиб борилмоқда.

Мутахассислар фикрига кўра, NamAgro Tech’нинг ривожланиши Ўзбекистонда узоқ муддатли иқтисодий ўсишга хизмат қилувчи замонавий ва барқарор агро-саноат платформаси шаклланаётганидан далолат беради. Лойиҳа нафақат ишлаб чиқариш ҳажмини ошириш, балки маҳаллий хомашёни чуқур қайта ишлаш, экспорт салоҳиятини кенгайтириш ва янги иш ўринларини яратишда ҳам муҳим роль ўйнамоқда.
Brand Awards International 2026 доирасида лойиҳа “Ўзбекистонда юқори технологияли агро-саноат кластерини ривожлантириш, барқарор амалиётларни жорий этиш ва ишлаб чиқариш салоҳиятини кенгайтириш учун” тақдирланди.

Компания вакилларининг таъкидлашича, Ўзбекистонда бизнеснинг нафақат маҳсулотлари, балки мамлакат ривожига қўшаётган тизимли ҳиссаси ҳам тобора юқори баҳоланмоқда.

Siberian Wellness Uzbekistan Country Директори Олеся Колоскова бу борада қуйидагиларни қайд этди:

“Биз учун айниқса муҳимки, бугун Ўзбекистонда нафақат маҳсулотлар, балки бизнеснинг мамлакат ривожига қўшаётган тизимли ҳиссаси ҳам юқори баҳоланмоқда. Биз ишлаб чиқариш, технология, агро-саноат, инфратузилма ва инсонларга инвестиция киритмоқдамиз. Ўзбекистон эса, минтақадаги замонавий wellness ва агро-саноат лойиҳаларининг келажак маркази бўлиш салоҳиятига эга деб ҳисоблаймиз”, деди Олеся Колоскова.

Мукофотлар ва эътироф

Siberian Wellness ва NamAgro Tech аввал ҳам бир қатор номинацияларда ғолиб бўлган.

2025 йил — NamAgro Tech Ўзбекистонда агро-саноатни ривожлантириш ва халқаро бозорларга муваффақиятли чиқиши учун Brand Awards International мукофотига сазовор бўлган. Шунингдек, компания “Инклюзив иш берувчи” мақомини олган.
2025 йил — Siberian Wellness соғлиқ, гўзаллик ва фаол ҳаёт тарзи йўналишида стратегик етакчилик учун тақдирланган.
2024 йил — Siberian Wellness инновацион биологик фаол қўшимчалар ассортименти учун махсус номинацияда эътироф этилган.
2023 йил — Siberian Wellness биологик фаол қўшимчалар ва Ўзбекистон ривожига қўшган wellness ҳамда инвестицион ҳиссаси учун махсус мукофот олган.