Швейцариядаги даҳшатли ёнғиннинг сабаби очиқланди

north_east

“Одамларнинг ёнаётганини кўрдим”. Швейцариядаги курортда нималар бўлди?

Аввалроқ, Швейцарияда 40 кишининг ҳаётига зомин бўлган ёнғин юз бергани ҳақида хабар берилган эди. Ушбу ҳодисага “фаввора” типидаги оловли пиротехника сабаб бўлгани аниқланди. Бу ҳақда Вале кантони прокурори Беатрис Пиллуд маълум қилди. 

“Бу терговнинг асосий версияси бўлиб, у тасдиқланган”, дея жавоб берган прокурор журналистнинг саволига жавобан.

Шунингдек, прокурор тергов давомида шифтга ўрнатилган шовқинни ютувчи қопламанинг нормаларга мос бўлганини ва ёпиқ жойда мушак ҳамда бенгал шамларидан фойдаланиш қонуний ёки қонуний эмаслигини аниқланиши кераклигини қайд этган.

Шунингдек, маҳаллий ҳокимият вакиллари жорий йил 9 январда Кран-Монтанада ҳалок бўлганларни хотирлаш маросими ўтказилишини билдирган.

Эслатиб ўтамиз, Янги йил кечасида маҳаллий вақт билан соат тахминан 01:30 да Швейцариядаги машҳур Алп курорти Кран-Монтанадаги бар ичида ёнғин содир бўлганди. Валеда полицияси маълумотларига кўра, ёнғинда 40 киши ҳалок бўлган, 119 киши жароҳат олган, уларнинг аксари оғир аҳволда.

Жароҳатланганларнинг 71 нафари Швейцариялик, 14 нафари франсиайлик, 11 нафари италиялик, 4 нафари серб ва бир нафардан Босния, Белгия, Люксембург, Полша ва Португалия фуқароси бор. Жабрланганлар орасида ўзбекистонликлар йўқ.