Швейцарияда қор кўчкиси сабаб йўловчи поезд рельсдан чиқиб кетди
Олам
−
16 Февраль 1468 1 дақиқа
Бугун, 16 февраль куни маҳаллий вақт билан соат тахминан 07:00 ларда Швейцарияда қор кўчкиси оқибатида 80 га яқин йўловчини олиб кетаётган поезд рельсдан чиқиб кетди. Бу ҳақда “The Independent” нашри хабар берди.
Маълум қилинишича, воқеа Вале кантонининг жануби-ғарбидаги Гоппенстеин қишлоғи яқинида содир бўлган. Расмийлар жароҳатланган ва ҳалок бўлганлар бўлиши мумкинлигини маълум қилган. Ҳодиса жойига тез ёрдам машиналари ва қутқарув вертолётлари юборилган. Маҳаллий вақт билан соат 10:00 дан кейин камида 30 киши эвакуация қилинган.
Ҳозирча қор кўчкиси тўғридан тўғри поездга урилган ёки урилмагани аниқ эмас. Фрутиген–Бриг йўналишидаги қатновлар эртага қадар тўхтатилган.
Эслатиб ўтамиз, аввалроқ Мексиканинг Оахака штати жанубида поезд рельсдан чиқиб кетиши оқибатида 13 киши ҳалок бўлганди.
Live
Барчаси
