Shveysariyada avtobus yonib ketdi. Qurbonlar bor 

Shveysariyaning g‘arbiy qismidagi kichik shaharchada avtobus yong‘inida kamida 6 kishi halok bo‘ldi. Bu haqda “Reuters” xabar berdi.

Ma’lum bo‘lishicha, voqea 10 mart kuni sodir bo‘lgan. Fribourg shahar politsiyasining ma’lumotiga ko‘ra, avtobus Shveysariya poytaxti Berndan taxminan 20 km uzoqlikda joylashgan Fribourg kantonidagi Kerzers shaharchasidagi yo‘lda alanga ichida qolgan.

“Hozirgi bosqichda avtobus ichida bo‘lgan shaxs tomonidan qasddan qilingan harakatni ko‘rsatuvchi elementlar mavjud”, degan Fribourg politsiyasi vakili Frederik.

Frederikdan avtobusdagi shaxs o‘ziga benzin quygani haqidagi xabarlar haqida so‘ralganda, u benzin ishlatilgani va yong‘in qanday boshlanganini tasdiqlay olmasligini bildirgan.

Shveysariya Prezidenti Gay Parmelin hamdardlik bildirib, voqea tergov qilinayotganini aytgan.

“Shveysariyada yana bir bor jiddiy yong‘inda odamlarning halok bo‘lgani meni hayratda qoldirdi va xafa qildi”, degan u X tarmog‘ida bergan bayonotida.

Eslatib o‘tamiz, avvalroq Boliviyada naqd pul ortilgan harbiy yuk samolyoti halokatga uchrashi oqibatida kamida 15 kishi halok bo‘lgani haqida xabar berilgandi.