Сурхондарёда АЁҚШ ёниб кетди. Бир киши жабрланди

Crime

−

04 May 2021 visibility6979 timer1 minute

Бугун, 4 май куни соат 09:42да Сурхондарё вилояти Шўрчи тумани “Озод” МФЙда жойлашган “Озод тех оил” МЧЖга қарашли автомобилларга ёқилғи қуйиш шохобчасида ёнғин содир бўлган.

Воқеа жойига зудлик билан 4 та ёнғин-қутқарув экипажлари етиб борган. Ёнғин соат 10:05 да қуршаб олинган ва соат 10:36 да тўлиқ бартараф этилган.

Оқибатда 25 м куб дизель ёқилғи сақлаш резервуари ичидаги тахминан 2 м куб дизель ёқилғиси ва резервуар ёниб зарарланган. Ёнғин-қутқарувчиларнинг саъй-ҳаракатлари натижасида 2 та 10 м куб ва 1 та 5 м куб ёқилғи сақлаш резервуарлари ёнғиндан сақланиб қолинган.

Ёнғин сабаби шохобча ҳудудида пайвандлаш ишларини олиб бориши оқибатида келиб чиққан.

Ҳодиса оқибатида бир нафар фуқаро куйиш тан жарохатини олиб туман марказий шифохонасига ётқизилган.

Ёнғиндан келтирилган моддий зарар миқдори аниқланмоқда.