Шторм сигнали! Ўзгидромет об-ҳаво бўйича огоҳлантирди

Бу қизиқ

−

20 Ноябрь 2019 visibility12794 timer1 дақиқа

Жорий йилнинг 21-25 ноябрь кунлари “Қамчиқ” довонида об-ҳаво ҳарорати кескин тушиб кетади ва йўлда қатор ноқулайликлар юзага келади. Бу ҳақда Гидрометеорология хизмати маркази маълум қилди.

Маълумотларга кўра, 21-25 ноябрь кунлари А-373 “Тошкент-Ўш” автомобиль йўлининг “Қамчиқ” довони ҳудудида қор, вақти-вақти билан кучли қор ёғиши кутилмоқда.

Туман тушиб, кўринувчанлик 50 м.гача пасаяди, шамол секундига 17-22 м тезликда эсади. 21-23 ноябрда ҳарорат -3...-5 даражадан 24-25 ноябрда -8...-13 даражагача пасаяди. Йўлда қор уюмлари, яхвонлик ҳосил бўлади.

Эслатиб ўтамиз, шу ҳафтанинг иккинчи ярмида Россиянинг Европа қисмида шаклланган совуқ ва нам ҳаво массаси Ўзбекистонга кириб келиши айтилганди.

Мақола муаллифи