Шаҳрам Ғиёсов Президентга нима ваъда берган?

Ўзбекистонлик профессионал боксчи Шаҳрам Ғиёсов айни кунларда Тошкентда навбатдаги жангига тайёргарлик кўрмоқда.

Сўнгги вақтларда Ғиёсов билан боғлиқ бир мавзу бокс ихлосмандларининг эътиборида бўлиб турибди, яъни Шоҳжаҳон Эргашев билан жанг! Ҳасанбой Дўсматовнинг Тошкентдаги турнирлардан бирида Шоҳжаҳон Эргашев билан олган ҳазил видеоси Эргашев ва Ғиёсов ўртасида “дахшатли” жанг ўтказилишига ишора қилди, аммо…

Эргашев-Ғиёсов жанги бўйича кўплаб ўзбек бокси юлдузлари ҳам ўз муносабатларини билдирди. Таъкидланишича, бу жанг проумоутерларга керак эмас, ҳеч қанақасига бу тўқнашувни ўтказилишига имконият йўқ. Хўш, унда нега Эргашев пиарларни тўхтатмаяпти?

QALAMPIR.UZ Шаҳрам Ғиёсов билан суҳбат уюштириб, Эргашев билан бўлган ҳолат бўйича барча саволларга жавоб олди.

Шунингдек, Ғиёсов ўзига нисбатан ҳаваскор боксда қилинган адолатсизликлар, ҳозирги даражага чиқишгача бўлган даврда кўрган қийинчиликлар, ҳаётини ўзгартириб юборган Рио-2016 Олимпиадаси ва Президентга берган ваъдаси ҳақида сўз очди.

Маълумот учун, Шаҳрам Ғиёсов 1993 йилда Бухоро шаҳрида туғилган. 

5-синфидан бошлаб бухоролик машҳур спортчи Аббос Атоевга ҳавас қилиб бокс билан шуғулланишни бошлаган. Ҳаваскор боксда 2014 йилда Якуцк шаҳри мезбонлик қилган талабалар ўртасидаги Жаҳон чемпионатида олтин медални қўлга киритган. 

2017 йилда Германиянинг Гамбург шаҳри мезбонлик қилган бокс бўйича Жаҳон чемпионатида ўзбек боксчиларига ҳакамлар томонидан адолатсизлик қилинаётган бир пайтда Ғиёсов кучли рақибини мағлуб этиб, ўша мундиалда Ўзбекистон жамоаси аъзолари орасида ягона олтин медални қўлга киритган.

Ғиёсов 2018 йилдан буён профессионал боксда фаолият юритмоқда.

Ушбу видеоинтервьюни юқоридаги видеоплеерда ёки QALAMPIR.UZ’нинг YouTube’даги саҳифасида томоша қилишингиз мумкин.