Сербияда яна отишма. Ҳужумда 8 киши ҳалок бўлди 

Кеча, 4 май куни Сербиянинг Младеновац шаҳар жамоасидаги Дубона қишлоғида отишма юз берди. Оқибатда саккиз киши қурбон бўлди. Бу ҳақда “Blic” газетаси хабар берди. 

Нашрга кўра, ҳалок бўлганлар орасида 21 ёшли полициячи ва унинг ёши аниқланмаган синглиси ҳам бор. Бошқа қурбонлар ҳақида маълумот берилмаган.

Ушбу отишма оқибатида 13 киши яраланган, уларнинг етти нафари жарроҳлик амалиётига муҳтож. Жароҳатланганлар орасида болалар ҳам бор.

Нашрнинг ёзишича, 21 ёшли гумонланувчи Дубона қишлоғидаги мактаб ҳовлисида бир гуруҳ одамлар билан жанжаллашиб, уйидан автомат олиб, ўт очган. Шундан сўнг у ўзининг туғилган қишлоғи Шепшинга бориб, у ерда ҳам отишма содир этган.

Тахминларга кўра, йигит ҳарбийнинг ўғли.

Отишма содир этган шахс полиция томонидан қидирилмоқда, вилоятда “Бўрон” режаси эълон қилинган. Разведкачилар унинг Шепшинга қочиб кетганига ишонмоқда.

Эслатиб ўтамиз, бу ҳодиса шу ҳафтада Сербияда қурбонлар сони кўп бўлган биринчи отишма эмас. Жорий йилнинг 3 май куни Белград марказидаги мактабда ўсмир тенгдошларига қарата ўт очганди.

Отишма оқибатида тўққиз киши – саккиз нафар мактаб ўқувчиси ва бир қўриқчи ҳалок бўлган. Мамлакатда эса 3 кунлик мотам эълон қилинди.